Əlilliyi olan və ya ailəsində 1-ci və 2-ci qrup əlil olan, müəyyən sosial təminata və ya yardıma ehtiyac duyan şəxslərin kredit öhdəlikləri fərqləndirilməlidir. Onlara daha aşağı faizlə kredit verilməlidir.

Millət vəkili Azay Quliyev bu təkliflə çıxış edib.

Millət vəkili "Xəzər Xəbər”ə açıqlamasında bu kateqoriyadan olan şəxslərin götürdükləri kreditlərin faizlərinin ödənməsi ilə bağlı fərqli və daha yumşaq rejim tətbiq olunmasının vacibliyini vurğulayıb.

Azay Quliyev deyib ki, bəzən banklara olan borcun ödənməsində də əlilliyi olan şəxslərə güzəşt edilmir. Hətta bir vətəndaşdan borcunun 3 dəfə artığı qədər məbləğ tələb olunub.

Deputat hesab edir ki, bu məsələ dövlət səviyyəsində həll edilməlidir və bununla bağlı xüsusi layihə hazırlanmalıdır.